افراح المنتدى

عدد المساهمات : 739 تاريخ التسجيل : 07/03/2009

سوف يتم باذنه تعالى عقب الجمعة اليوم 25/9/2009عقد قران ابناء عمى عوضالله عبدالوهاب القاضى وابى النصيح القاضى على كريمات سيداحمد زين العابدين حفصة وسلمى نقول الف الف مبروك وربنا يتمم على خير وبالرفاه والبنين

يازول أبشر بالخير وأكان حفلة (كاتلنّها!!!) وأكان مديح نحنا فى نصو ومبروووووووووووووووووووك والف مليون مبروك لاسرة القاضى والنورانى العمة والخالة الرايعة سمية النورانى الشريف وللاروع سيدأحمد زين العابدين (نوبة ) يا جماعة الهوى ده ما صعب !!!! ياريت كان الواحد هناك كان (هجج هجيج ) وياحليلنا لما كنا بنهجج ولما كان المبدع عمر النورانى يحى الحفلة قريب الصباح بطريب متفرد تحياتى للاخ عمر النورانى خال العروسات والمباركة موصوله للاخ التيجانى وللابن حمو ودالسقاى ويلا قبل جاى أدينا من فنك إنت يا مادح وإنت يا غناىّ

قصة مرتبطة بأحدى العروسات وبنت الاستاذ النصيح محمد أحمد القاضى علية الرحمة من الزوجة خالدة .. فى العام 2006م كانت خالدة ذاهبة من الثورة الى السقاى لمناسبة ركبت الحافلة من من موقف الجيلى بعد أن سلمت على صالح وسألتو من أهم الاخبار وهى فى الحافلة لاحظت أن أمامها وجوارها بنتين يعاينن ليها بشدة ويوسوسن !!!! قامن قالن ليها والله نحنا شايفنّك لكن ما عرفناك ؟؟؟ قالت ليهن أنا من البتلاب ؟؟؟؟ قالن ليها بت منو؟ قالت ليهن إنتن بنات منو الاولى قالت ليها أنا بت سمية النورانى وبت سيدأحمد وردت عليها بت نوبة أزيك وكيف أمك وجدك النورانى وخالك عمر !! والتانية قالت ليها من السقاى التانية بت النصيح محمد أحمد القاضى وطوالى دخلت فيها أستاذ النصيح الله يرحمو ويغفر ليهو ويحفظ أولادو وبناتو وحق الله بق الله ملت راسن وهن لسع ماعارفت المرة دى من البتلاب بت منو ؟؟؟ وتانى رجعن وقالن ليها عليك الله إنتى بت منو؟ قالت ليهن أنا زوجى من البتلاب !!! منو فى البتلاب ؟؟ قالت ليهن بشرى مبارك !! وبصوت واحد ردن هى هى بنعرفك إنتى أم إسراء وأحمد مش كده قالت ليهن هو كدة وما عارف أيهما صاحبة هذا الموقف من بنات نوبة أكيد زوجة أبن الاستاذ النصيح . تخريمة طبعاً من كثرة ما أحكى لى خالدة عن بعض الشخصيات الهامة حفظت ناس متوفين وأحياء دون أن تلتقى بهم وطبعاً معروف الرباطاب عندهم سرعة البديهة .

والله العظيم الواحد فينا لما (يحكى الذكريات ) بقى يعمل الف حساب للرد والله إلاّ الواحد يستعين بالمطرب المبدع عثمان مصطفى ليغنى لنا (ماضى الذكريات ) حتى لانألم أو نؤلم وكيف بدت وكيف أنتهت !!! وياود القاضى عليك الله ماترد بى قصة بس أقرأ وأضحك وقول شكراً وأرسل لى فى الخاص ولك ودى الخاص .ولك أن ترد على الزوجة خالدة بالشكر على ترحمها على الاستاذ النصيح رغم أنها لم تشاهدة ولم يدرسها اللهم أرحمة وأغفر له .

[ندعوك للتسجيل في المنتدى أو التعريف بنفسك لمعاينة هذه الصورة][center]هذة الزهور للعرسان حتى يعرفوا أن الهوى ماصعب !!!!

الف الف الف مبروك لي عوض الله @ سلمى بمناسبة الزواج
ومليون الف الف مبروك لي ابي @ حفصه بمناسبة عقد زواجهما
نتمنى لهم حياه زوجيه سعيده وان شاء الله بيت مال وعيال
وعقبال الجماعه اللسه

عدد المساهمات : 167 تاريخ التسجيل : 30/03/2009

الف الف الف مبروك لكل العرسان

بيت مال وعيال والعاقبه للبقيه

ااااااااااااااااامين يارب

ألف مبروك تحلق فوق هامات العروس ** والعبارات تنمق بعقود من ورود
كل قلبٍ صار يخفق بدعاءٍ في السجود ** رب بارك ووفق واجعل الآتي سعود

*طيـرالفـرح غنـا
وبـديـارنـاعـلا

وألف ألف مبرووووووووووووووووووك..لكل من تزووووج واللي بيتزوج ........

» أفراح السقــــــــاي
» لغز حلو فى هذا المنتدى
» اهل جده حردانييييين المنتدى ؟؟؟؟؟؟؟؟؟؟؟؟
» انضمامي في المنتدى
» تجميل المنتدى