تهنئة بالعيد

عدد المساهمات : 101 تاريخ التسجيل : 06/07/2009

السلام عليكم ... العيد مبارك عليكم وكل سنة وانتم طيبين سروراب وبتلاب واصاحبهم واهلهم بالغرب

عدد المساهمات : 167 تاريخ التسجيل : 30/03/2009

وعليك السلام والرحمه والاكرام

مبارك علينا وعليك وعلي كل الامه المسلمه ولكل اهلنا الحنان ولجميع

حبائبنا في سقاينا الغاليه ولجميع الاخوان والاخوات في منتدانا العامر

وربنا يجعلنا تامين لامين متحابين ببركة اواخر الشهر الكريم .....

أخى يوسف التوم شكراً لك على فتح بوست مباركة العيد وأرجو ان توصل مباركتى لكل الاخوان من أهلنا بالسقاى المثلثة فى الرياض وجده وغيرها من المدن وتحية خاصة لاخوانك مضوى ومحمود وتقبّل تحيات الدكتور محمد ود الدكتور الحبر يوسف نورالدائم والذى قدّم لنا خطبة الجمعة وسوف تجد التعليق عليها فى المنتدى الاسلامى .

علينا وعليكم يتبارك وكل سنة وانتم طيبين واعفوا مننا وربنا يحقق الاماني الطيبة.
ومناسبة قدوم العيد السعيد احكي لكم درة من درر اخونا ناصر عبد الرزاق (الباجوري) عله يكون بخير وعافية، وطبعاً اخونا الباجوري تأخر شويتين في الزواج وكان الجماعة بشاغلوه دائما بالعرس وانه باير وساعدهم في ذلك ظهور الصلعة على رأسه مبكراً، وكان في العيد كل واحد بقول ليه يا الباجوري انشاء الله القابله عريس وتكرر عليه هذه المباركة من كل الاخوان والاخوات والعمات والخالات وكل كبير وصغير لأنه شخص ظريف وبشاغل كل واحد، وفي احدى الايام ونحن نستقبل احدى الاعياد قال اخونا الباجوري قولته المشهوره (اهـ جاينا العيد للقابله عريس) وطبعاً اخونا الباجوري تزوج ورزق من البنين والبنات وربنا ريحه من القابله عريس ونتمنا له الصحة والعافية ولباقي الاسرة الكريمة.
خاصة بالاخ/ محمد صديق حامد
طبعا في الايام الفايته كان معنا الاخ العزيز محمد الطيب الصديق وهو الان في المدينة المنورة، وفي احدى الجلسات في بيت اخونا ناجي حسن وبحضوري وحضور الاخ عبد الرحمن محجوب (حريقة) ومحمد الطيب قام ناجي اتصل على الباجوري وتونسنا معه وقام الباجوري قال لحريقة طبعا اليومين دي يا حريقة نفسك فاتحة للاكل مع السلطة الخضراء دي وهو يقصد (محمد الطيب) وانفجر الحضور بالضحك، وصاحبك حريقة اليومين دي مسمينو السلطة الخضراء.